इजरायल ।
अनाथ बालबालिकाको सहयोगार्थ दिपावली सांगीतिक साँझ २०७६ इजरायलमा हुने भएको छ नेपाली हिन्दुहरुको दोश्रो ठुलो पर्व शुभ दिपावलीको अवसरमा उक्त कार्यक्रम आयोजना हुने भएको छ ।
माउन्ट एभरेस्ट फुटवल एफसीको आयोजना रहेको उक्त कार्यक्रममा प्रस्तुति दिन नेपालबाट चर्चित कलाकार गायक डम्बर नेपाली र तारा प्रकाश लिम्बु इजरायल आउने भएका छन् ।
माउन्ट एभरेस्ट फुटवल एफसीले बिभिन्न पिडितको सहयोगार्थको लागि यस्तै कार्यक्रम गर्दै आएको छ । यस पटक पनि मुनाफा नेपालमा रहेका अनाथ बालबालिकाहरुको लागी खर्च गरिने गरि च्यारिटि सो राखीएको आयोजक समितिका संयोजक प्रकाश पाहिम लिम्बुले जानकारी दिएका छन् ।
आउदो अक्टोवर २५ शुक्रबार इजरायलको तेलअविभ स्थित एभरेस्ट डिस्को हलमा आयोजना तयारी गरिएको उक्त कार्यक्रमलाई सफल बनाउन इजरायलमा रहेका सम्पूर्ण नेपाली र नेपलीभाषीहरुलाई साथ सहयोग गर्न आयोजकले अनुरोध गरेको छ ।
