युएईबाट नियमित हास्यटेलिशृङ्खला बेसारेको मायाजालको तेस्रो भाग सार्वजनिक ।

पत्रपत्रिका

युएई-वैदेशिक रोजगारीको लागि युएई आएका नेपाली कलाकारिता क्षेत्रमा रुचि भएका नेपालीहरुले यहाँबाट हास्य टेलिशृङ्खलाको तेस्रो भाग सार्वजनिक गरेका छन् ।

पहिलो र दोस्रो भागभन्दा अझ स्तरीय शृङ्खला तयार पारेको बेसारेको मायाजालको समुहले तेस्रो भागलाई नेपाल भ्रमण वर्ष २०२० को प्रवर्द्धनमा समर्पित गरेको छ । यो शृङ्खलाले नेपाल सरकारले २०२० मा २० लाख पर्यटक भित्र्याउने लक्ष्यलाई सबैले सहयोग गर्नुपर्ने सन्देश दिएको छ । पर्यटकलाई नेपालीहरुले केकस्तो ब्यवहार गर्ने र के नगर्ने भनी कलाकारहरुले अभिनयको माध्यमबाट बताएका छन् । यो शृङ्खलामा पनि अभिनय गर्ने कलाकारहरुले आफ्नो प्रस्तुतिकरणमा जिवन्तता दिने र हास्यलाई सन्देशमुलक रूपमा पेस गरेका छन् ।

नयाँ सोच र शैलीमा निर्माण गर्ने हास्य टेली शृङ्खला “बेसारेको मायाजाल” को पहिलो भाग अगस्ट २९ मा सार्वजनिक भएको थियो । यसलाई निरन्तरता दिने क्रममा दर्शकहरूबाट उत्साहजनक प्रतिक्रिया आएको र त्यसले टिमलाई थप उर्जा मिलेको शृङ्खलाका व्यवस्थापक मध्येका कैलाश अर्यालले बताएका छन् ।

उर्जावान र क्रिएटिभ युवा समुहले उत्पादन गरेको यो हास्य टेलीशृङ्खलाले नेपाली दर्शकहरुको मन जित्ने कुरा निर्माणपक्षको दाबी छ ।
बि टु के एसिया युट्युब च्यानलबाट सार्वजनिक भएको शृङ्खलाले धेरै राम्रो प्रतिक्रिया, हौसला र सकारात्मक फिडब्याक पाएका कारण आगामी दिनमा अझ परिस्कृत गरिदै लाने यस शृङ्खलाका कलाकार समेत रहेका लेखक तथा निर्देशक इन्द्र सेन्चुरीले जानकारी दिएका छन् ।

पछिल्लो समय नेपालीहरुको लागि रोजगारीको मात्रै कर्मथलो युएई नभएर राम्राराम्रा कलाकार, गायकगायिका, पत्रकार, ब्यावसायीहरु जन्माउने उर्वर भुमी मानिन थालेको छ । अधिकांस नेपालीहरुले आफ्नो रुचिको क्षेत्रमा समर्पित भएर नाम, काम र दाम कमाएको पाइन्छ । यस्तै माहोलमा युएईमै बसेर बिटुके एशिया च्यानल मार्फत नियमित सार्वजनिक हुने बेसारेको मायाजाल टेलिशृङ्खला पनि एक हुने ब्यवस्थापक अर्यालले बताएका छन् ।
युएईको नेपाली सामाजिक जिवनमा पाल्पाली समाजको संस्थापक उपाध्यक्ष समेत रहेर आफ्नो सामाजिक छ्वीलाई उच्च बनाएका अर्याल सिर्जनशील सामाजिक व्याक्तित्व समेत हुन् ।

यस शृङ्खलाका लेखक तथा निर्देशक साथै लिड रोलमा रहेका इन्द्र सेन्चुरी पनि युएईको नेपाली रंगमन्चमा परिचित कलाकार हुन् । सर्लाही सेवा समाजमा आवद्ध सेन्चुरी यो शृङ्खलामा एक मधेसी मुलको प्रतिनिधि हास्री पात्रको रुपमा देखापरेका छन् ।

बिटुके एसिया यस्तो च्यानल धेरै युट्युबरको एउटै थलो भएको हुदा धेरै दर्शकले भरपुर्ण मनोरञ्जन लिन पाउने निर्माणपक्षले बताएको छ ।
निर्माताहरुका अनुसार ‘बेसारेको मायाजाल’ बिटुके एसिया च्यानलका धेरै कार्यक्रम मध्येको एउटा हो ।यसका संचालकहरुमा बरुण खनाल, कैलाश अर्याल र बिष्णु खनाल रहेका छन् । यो च्यानलले गैर राजनितिक सामाजिक बिषयहरुको उठान गर्ने, मनोरन्जनात्मक कार्यक्रमहरु उत्पादन गर्ने लक्ष्य लिएको छ ।

साथै, शिक्षामुलक कार्यक्रम उत्पादन गरी सचेतना बढाउने पनि यो च्यानलको अभिप्राय रहेको छ । सामाजिक उत्तरदायित्व बहन गरी समाज विकासमा योगदान दिने यो समुहले आफ्नो प्रस्तुति हेरेर प्रतिक्रिया दिन सबैलाई अनुरोध समेत गरेको छ । सहगोगीप्रती आभार शृङ्खला निर्माणमा सहयोग गर्ने व्याक्ती तथा संस्थालाई बेसारेको मायाजाल समुहले आभार प्रकट गरेको छ । प्रवासको काम र ब्यस्तता अनि १ दिनको साप्ताहिक बिदामा पनि नियमित हास्य टेली शृङ्खला निर्माण गर्नु आफैमा चुनौतीपूर्ण काम हो ।

यो कामलाई सहज बनाउन विभिन्न तवरले सल्लाह, सुझाव दिने अनि सहयोग गर्ने पत्रकार रामप्रसाद ढुंगेल लगायत सामाजिक अभियन्ताहरु धनु सिम्खडा, दिपक थापा मगर, अशोक चापागाइ, बेदप्रसाद अर्याल र कोसेली ट्राभल्स एन्ड टुरिजम एलएलसीलाई निर्माण पक्षले आभार व्यक्त गरेको छ ।

(भिडियो)

Facebook Comments:

Leave a Reply

Your email address will not be published. Required fields are marked *

− seven = three